Një shqiptar është arrestuar nga policia italiane me akuzën e dhunës në familje. Mediat itaiane raportojnë se 35-vjeçari shqiptar, identiteti it ë cilit nuk bëhet i ditur, u ndalua pasi kishte shkelur urdhërin e mbrojtjes të vendosur nga gjykata, i cili i ndalomnte atij t’i afrohej bashkëshortes.
Ngjarja ka ndodhur në Noale të Italisë, ku shqiptari, në kundërshtim me vendimin e dhënë nga gjykata, kishte shkuar në shtëpinë e bashkëshortes, nga dyshimet se ajo ndodhej në shoqërinë e të dashurit të saj.
Gruaja ka thirrur menjëherë policinë, të cilët arrestuan 35-vjeçarin. Sipas bashkëshortes së tij, ajo kishte jetuar prej vitesh në terror, si pasojë e kërcënimeve dhe dhunës së bashkëshortit të saj.
Gjithashtu mediat njoftojnë edhe për arrestimin e një 40-vjeçari, po shqiptar, me të njëjtën akuzë, dhunë në familje.
