Ambasada e SHBA në Tiranë ka reaguar lidhur me protestën e sotme të thirrur nga opozita, ndërsa dënon aktet e dhunës.
“Grumbullimi paqësor dhe e drejta për të shprehur pakënaqësitë ndaj qeverisë janë shtylla të demokracive të shëndosha, por janë të drejta që duhen ushtruar paqësisht”, thuhet në një deklaratë të shpërndarë nga Ambasada pak minuta më parë.
Reagimi i Ambasadës së SHBA
Ambasada e SHBA dënon dhunën që ndodhi gjatë protestës sonte.
Grumbullimi paqësor dhe e drejta për të shprehur pakënaqësitë ndaj qeverisë janë shtylla të demokracive të shëndosha, por janë të drejta që duhen ushtruar paqësisht.
Përdorimi i mjeteve piroteknike, sidomos kur vënë në shënjestër policinë, nuk është akt paqësor, është i papranueshëm dhe jodemokratik.
Iu bëjmë thirrje të gjithë organizatorëve të protestës të ndalojnë aktet e dhunshme dhe të angazhohen në dialog konstruktiv.
