Fushata elektorale e Partisë Socialiste ka nisur me fyerje e kërcënime ndaj mbështetësve të opozitës dhe qytetarëve që besojnë se zgjedhjet pa opozitën janë një farsë.
Ishte sekretari i PS-së Taulant Balla ai që kërcënoi mbështetet e opozitës gjatë fjalës së tij në hapjen e fushatës, duke i quajtur “budallenj”.
“Më lejoni të them dy fjalë për ata që betohen se nuk do të lejojnë zhvillimin e zgjedhjeve. Është krim, ndëshkohet rëndë nga Kodi Penal kushdo që e kryen. Jam i sigurt që nuk ka ende ndonjë budalla në këtë vend që t’i besojë Lulit e Saliut e të marri veten në qafë. Jemi këtu për t’i treguar shqiptarëve se PS është partia që bën shtet”, tha Balla.
Të njëjtin mesazh dha dhe kryeministri Rama, i cili lëshoi akuzave dhe fyrje ndaj opozitës.
