Kapet dhe ndalohet autori i dyshuar i vrasjes së Arben Bilalit. Në pranga Gjergj Cukali, një 40-vjeçar i dënuar më parë për disa vepra penale.
“Sektori i Hetimit të Krimeve Ndaj Jetës dhe Pronës, në D.V.P.Tiranë, në bashkëpunim me Prokurorinë e Rrethit Gjyqësor Tiranë, në lidhje me ngjarjen e ndodhur në datë 30.01.2019, ku në rrugën ‘Isuf Banka’’në Tiranë, është vrarë me armë zjarri shtetasi A.B. (Arben Bilali), 50 vjeç, pas një pune të mirëorganizuar është arritur të bëhet zbulimi dhe dokumentimi ligjor i kësaj ngjarje, ku është bërë kapja dhe ndalimi i autorit të dyshuar:
Gj.C. (Gjergj Cukali), 40 vjeç, lindur dhe banues në Tiranë, i dënuar më parë për veprat penale të “Prodhimi dhe shitja e narkotikëve’”, “Armëmbajtja pa leje” dhe “Rrëmbim personi”.
Materialet në ngarkim të shtetasit Gj.C., iu referuan Prokurorisë së Rrethit Gjyqësor Tiranë, për veprat penale penale ‘Vrasje me paramendim e kryer në bashkëpunim’ dhe ‘Prodhim dhe mbajtje pa leje te armeve luftarake‘”, njoftoi Policia.
https://www.youtube.com/watch?v=FZL047GZs88
Më herët, lidhur me ngjarjen është arrestuar edhe 47-vjecari Arben Xhetani, i cili sipas hetimeve, rezulton se u ka siguruar makinën e përdorur për vrasjen e ish-policit, Arben Bilali.
Motivet e krimit mbeten ende të paqarta dhe pse dyshimet janë se kemi të bëjmë me vrasje për hakmarrje. /bn/
