Ambasada e SHBA në Tiranë ka reaguar një ditë pas rekomandimit të Komisionit Europian për hapjen e negociatave me Shqipërinë.
Ambasada e SHBA thekson se mirëpret rekomandimin, ndërsa thekson se mbetet e përkushtuar që të punojë me partnerët shqiptarë dhe të BE për të siguruar integrimin e Shqipërinë në Union.
Deklarata e SHBA
Ne mirëpresim rekomandimin e Komisionit Europian për hapjen e bisedimeve të anëtarësimit me Shqipërinë dhe konfirmimin e saj se Shqipëria vijon të bëjë përpara në zbatimin e reformave jetike dhe të pakthyeshme.
Shtetet e Bashkuara mbeten të përkushtuara që të punojnë me partnerët tanë shqiptarë dhe të BE-së për të siguruar integrimin me sukses të Shqipërisë në Bashkimin Europian, përfshirë edhe mbështetjen tonë të plotë për zbatimin në vijim të reformave legjitime dhe kushtetuese gjyqësore.
