Kryetari i PD, Lulzim Basha, deklaroi nga Kurbini se opozita dhe shqiptarët nuk do i lejojnë zgjedhjet false.
Ai tha se Ram sot në vend që ta çojë në burg Pjerin Ndreun po e bën kandidat për kryetar bashkie, por qytetarët e Lezhës dhe Kurbinit nuk do ta lejojnë.
“Ora kur një njeri i vetëm ka marrë peng Shqipërinë, ka marrë fund që në 16 shkurt. Ne dolëm nga strofka e krimit dogjëm mandatet dhe u rreshtuam në krahë të qytetarëve. Nuk ka forcë mbi tokë ta kthejë këtë orë mbrapsht. Tentativa kriminale për të diktuar një proces fals zgjedhor, tentativa për ti zgjatur orët kufomës politike të Rilindjes, jam i bindur se do të marrë përgjigjen e duhur anë e mbanë Shqipërinë, duke nisur nga Kurbini. Edi Ramës i duhet me gënjeshtra e me mashtrime, mendon se do ja kalojë miun nën hundë R=Europës, por nuk ja kalon dot miun nën hundë. Nuk i hap negociata Europa me një kryeministër që është kapur duke vjedhur vota e duke bashkëpunuar me kriminelët. Nuk kalon dot Rama testin e Belrlinit, sepse nuk kalon dot as testin e Kurbinit. Ne duhet patjetër ti hapim rrugën europiane vendit, ndaj duhet ti japim fund kësaj marrëzie të largojmë Edi Ramën. Ai do të prezantojë kandidatin fals në Lezhë, njeriun që sot duhet të ishte në burg për vjedhjet në Dibër, por gabojnë, nuk na e kyç as Edi Rama as Pjerin Ndreu. Tani në vend që të ishte para drejtësisë, Rama kërkon ta sjellë kandidatin për burg e ta bëjë kandidat për kryetar bashkie. Dëgjoje mirë Pjerin Nderu, dëgjoje Kurbinin, se nuk shkohet në Lezhë pa kaluar në Kurbinin”, tha Basha.
