Mosha më delikate është në periudhën e adoleshencës ndaj edhe prindërit duhet të kenë shumë kujdes me fëmijët e tyre, me mënyrën sesi sillen e komunikojnë lidhur me problemet që ata kanë.
Përdorimi i internetit në mënyrë masive nga adoleshentët dhe aparatet celularë që prindërit ua blejnë fëmijëve, bën që një pjesë të madhe të kohës ata ta kalojnë duke lundruar në faqe nga më të ndryshmet e duke biseduar edhe me persona që nuk i njohin.
Një prind i shqetësuar i ka shkruar JOQ, ku tregon se rastësisht ka zbuluar se vajzës së tij 13-vjeçare i shkruante një maniak duke përdorur fjalë nga më të pahijshmet.
Prindi i 13-vjeçares shkruan:
Përshëndetje JOQ Albania! Po ju shkruaj me Facebook “fake”, dhe shkakun do e merrni vesh pastaj! Jam prindi i një vajze 13-vjeçare e cila një ditë në kompjuterin tim i kishte dërguar një shoqes së saj një link për një chat bisede me persona të ndryshëm dhe kjo pafajësisht e kishte shënuar emrin e saj dhe vitet që i ka, Lo***13 dhe e kishte marrë si asgjë duke mos i kushtuar një rëndësi të madhe chatit. Ndërkohë shkon në një market dhe i lë hapur gjërat në kompjuter sepse nuk ka asnjë fshehtësi dhe çtë shoh, MANJAKUN.
Këtë fotografi e kam bërë në fillim të bisedës i cili i ka shkruar vajzës time në këtë mënyrë dhe pa i kthyer ende asnjë përgjigje në emër të vajzës, ai po vazhdonte me fjalë nga më të pistat dhe duke i pohuar se i pëlqenin fëmijët dhe vajzat e vogla. Ndërkohë unë po atë ditë, atë MANJAK e telefonova në telefon duke u paraqitur si “POLIC” me PRIVAT NUMBER dhe i thashë: ju lutem zotëri paraqituni në stacionin më të afërt të policisë sepse ka ardhur një denoncim nga një vajzë e vogël dhe prindërit e saj për ngacmime. Ma ndërpreu lidhjen dhe tani shumicën e kohës e mban të mbyllur telefonin kohë pas kohe! Ju lutem shumë postojeni këtë sepse me të vërtetë ishte shqetësuese kjo që kam lexuar nga ai. Nëse ju jeni prind do e kuptoni vetë ndjenjën që më vlon përbrenda. Ju lutem nga zemra postojeni…”
