Nga VIOSANA KOKLA
I NDERUAR Z.KRYEMINISTËR,
Sot po prisja letrën tuaj të 7 dërguar opozitës, që fatkeqësisht nuk erdhi. Keni dërguar 6 letra kundrejt Z.Lulzim Basha, por harruat diçka.
Ato letra duhet të ishin drejtuar për ne, për popullin e thjeshtë, për opozitën e vërtetë. Me kaq shumë këmbëngulje po kërkoni dialog, por dialog për çfarë? Ku ishte ftesa për dialog kur ne dolëm në shesh në protestën e parë kombëtare??? Atë dite ka patur vetëm tallje, përbuzje, injorim nga ana juaj, por asnjë ftesë dialogu. Ku ishte ftesa për dialog kur deputetët e opozitës dogjën mandatet??? Atë ditë ju gëzuat sepse morët rolin e një diktatori absolut. Ku ishte ftesa për dialog në momentin që nuk vonuat të plotësonit vendet bosh ne parlament, e të krijonit një opozitë fallco??? Ku ishte ftesa për dialog në momentin që ushtruat dhunë e terror mbi protestuesit duke cënuar të drejtën e tyre???
Pra, Z.Kryeministër ka patur plot momente ku mund të kërkonit dialog, jo me deputetët e opozitës, por me vetë opozitën, popullin Shqiptar. Tani jeni i dëshpëruar për dialog, pse??? E ndjeni fundin tuaj apo jo???
ASNJË KOMUNIST APO DIKTATOR NUK MUND TË MPOSHTI NJË POPULL ME IDEALE E ZEMËR DEMOKRATIKE.
Mund të na arrestoni, mund të na dhunoni. Mund të bëni presion ndaj popullit, mund të vazhdoni me propagandën tuaj fasadë. Mund të bëni gjithçka, por kurrë s’mund të shuani zërat e lirë të njerëzve. Për diçka të jeni i sigurt, e ta mbani mend.
KURRË, AMA KURRË NUK DO MUND TË QETËSONI ZEMRAT E PLAGOSURA TË POPULLIT. KURRË NUK DO MUNDENI TË BINDNI OPOZITËN E VËRTETË (POPULLIN SHQIPTAR) PËR DIALOG ME JU.
Plagët që keni lënë ju dhe qeveria juaj në këtë popull, s’do jeni kurrë në gjendje ti shëroni. Prandaj ju lutem largohuni që Shqipëria të fillojë të shërohet, që njerëzit të besojnë sërish në ringritjen e atdheut te tyre.
UNE JAM KËTU, NE TË GJITHË JEMI KËTU E DO VAZHDOJMË TË JEMI E TË LUFTOJMË PËR SHQIPËRINË, FAMILJET TONA, RININË SHQIPTARE, PËR TË ARDHMEN E SHQIPËRISË DHE SHQIPTARËVE.
Nga një studente dhe protestuese opozitare që dua të jetoj, e të krijoj të ardhmen time këtu, në shtëpinë time të quajtur SHQIPËRI.
