Me gjithë kuriozitetin dhe thashethemnajën me të cilën janë publikuar dhe përcjellë letrat e dërguara nga kreu i qeverisë Rama, edhe gjatë konferencës së sotme, kryeministri nuk ka nguruar të flasë edhe për to.
I pyetur edhe nga gazetarët lidhur me impaktin që kanë pasur ato letra në seriozitetin e kërkesave që janë parashtruar aty, kreu i qeverisë tha se ;nuk janë letra por ftesa për dialog për kreun e opozitës’.
“Nuk ka gjashtë por ka shtatë. Nuk e di. Mbase do ketë edhe një të shtatë por të gjahstë letrat që ka qenë gjashtë ftesa të përditshme, për t’i hapur rrugë dialogut dhe një procesi normalizimi të marrëdhënieve me pozitën, unë jam përpjekur të bëj më të mirën. Sa e kam arritur nuk e di. Ajo që është e sigurtë është që 1 qershori që përkon edhe me Ditën e Fëmijëve, Partia Socialiste do të fillojë fushatën për zgjedhjet e datës 30 qershor. Nuk është thjeshtë një datë ku do zgjedhim kush do të fitojë, por se si do të jetë Shqipëria e gjeneratës tjetër.
