Johannes Hahn, komisioner për Zgjerimin në BE ka prezantoi këtë të mërkurë në Komisionin Europian progres-raportin për Shqipërinë. “Këshilli të hapë negociatat për Shqipërinë dhe Maqedoninë. Që të qëndrojnë të besueshëm vendet duhet të përmbushin detyrimet e tyre”, rekomandoi Hahn.
“Ka ende çështje të rëndësishme në rajon. Këto vende duhet të punojnë në shtetin ligjor. Nuk duhet të importojnë më refugjatë”, tha Hahn. Për vendet e Ballkanit Perëndimor, Hahn vuri në dukje si problematika emigracionin e lartë dhe lindjet e ulëta. “Ballkani perëndimor duhet të rrisë standardit e jetesës”, tha ai.
“Shqipëria ka ndjekur reforma kryesore në sistemin e drejtësisë duke përfshirë një rivlerësim të paprecedentë në rivlerësimin e personave të sistemit të drejtësie”, vlerësoi ai.
Hapja e negociatave për Shqipërinë e Maqedoninë pritet të diskutohen më vonë në nivel të ministrive të punëve të jashtme të vendeve anëtare të Bashkimit Evropian, pasi vendimi i fundit për hapjen e negociatave merret nga udhëheqësit e shteteve dhe qeverive të vendeve anëtare të BE-së përmes një samiti të rregullt. /bn/
Çfarë ndodh pas rekomandimit/ Kush vendos për hapjen e negociatave të Shqipërisë…
