Tashmë është zyrtare Genaro Gattuso dhe braziliani Leonardo nuk do të jenë më pjesë e Milanit për sezonin e ardhshëm. Klubi kuqezi ka zyrtarizuar largimin e trajnerit dhe drejtorit sportiv të cilët kanë dhënë dorëheqjen.
Me Gattuson që ka hequr dorë nga 2 vite kontratë duke mos marrë asnjë qindarkë vetëm e vetëm për të mos rënduar më shumë financiarisht klubin kuqezi. Administratori i deleguar Ivan Gazidis i ka falenderuar të dy për punën e pakushtëzuar dhe plot profesionalizëm që kanë bërë gjatë këtyre muajve ndërsa klubi i Milanit i ka dedikuar edhe një letër Genaro Gattusos në pritje për të publikuar emrat e trajnerit të ri dhe drejtorit të ri sportiv.
“AC Milan dhe Gennaro Gattuso lajmërojnë se kanë prishur me efekt të menjëhershëm raportin profesional si trajner në ekipin e parë. Klubi tani do të nisë procesin e zgjedhjes së trajnerit të ri të cilit do t’i dorëzojë skuadrën në prag të turneut ICC, të kampionatit Serie A, Kupës së Italisë dhe edicionit të ri të Europa League”. Milani falënderon Gennaro Gattuson që udhëhoqi skuadrën në 18 muajt e fundit. Rino mori drejtimin në një moment të vështirë të klubit, duke përmirësuar paraqitjen e skuadrës dhe duke e ngjitur klubin në një pikavarazh më të lartë, që nuk ndodhte nga sezoni 2012/13.Milani tani sheh të ardhmen në shenjën e vazhdimësisë, stabilitetit financiar dhe rritjes së mbështetur”, lexohet në komunikatën e klubit kuqezi.
