Nga momenti që ka marrë detyrën si zv.kryeministër, Erion Braçe, ka nisur inspektime në administratën publike, duke nisur që nga respektimi i orarit zyrtar.
Nënkryeministri pothuajse ka shkuar në çdo institucion, në orën 08:00, ku nuk ka nguruar që të propozojë edhe masa administrative për ata që nuk kanë qenë në zyrat e shtetit.
Nga shkuar te Tatimet, Doganat, drejtoritë rajonale, agjensitë shtetërore, spitale, qendrat shëndetësore, dhe së fundmi ka vendosur të inspektojë Ministritë.
Ka vendosur ta nisë nga Ministria e Bujqësisë, ndoshta si deputet i zonës së Myzeqesë. Por duket se në dikasterin e drejtuar nga Bledi Çuçi, nënkryeministri i Ramës ka ngecur.
Jo se ka gjetur rregull apo disiplinë, por në zyrë nuk ka gjetur as ministrin. Duket se kaq ka mjaftuar që Braçe të largohet pa bërë zhurmë apo gjullurdi.
Kështu që mungesa e ministrit, ka shpëtuar edhe vartësit e tij, që ndoshta nuk kanë qenë në vendet e tyre të punës.
Nuk dihet nëse Braçe do të kthehet në një tjetër inspektim në dikasterin që drejtohet nga Çuçi, apo do të tentojë të kontrollojë ndonjë Ministri tjetër.
Te Bujqësia, nuk arriti të ndëshkonte asnjë punonjës…
