Marko Përvan, i ardhur në merkaton e dimrit te Skënderbeu, është i destinuar të mos kalojë pa gjurmë në historinë e klubit korçar. Aktivizimi ndoshta jo i mjaftueshëm nuk kishin bindur as vetë lojtarin kroat dhe as stafin e klubin bardhekuq që e afroi si futbollist në huazim.
Ndeshja e parafundit e kampionatit të Kategorisë Superiore u duk se ka ndryshuar të gjitha vlerësimet, qëndrimin dhe rrjedhën e marrëdhënieve të Pervan me Skënderbeun. Mesfushori tregoi veten si lojtari kyç në një ndeshje përcaktuese për sezonin e ekipit korçar dhe objektivin e përfaqësimit në Kupat e Europës. Pas ndeshjes së djeshme, edhe trajneri Shehi nuk mund t’i përmbante urimet për shënuesin e dopietës ndaj Luftëtarit.
Shehi nuk ngurroi aspak, që të japë një mesazh për Marko Përvan sapo u mbyll takimi me Luftëtarin. Në prani të bashkatdhetarit të tij, kapitenit Marko Radas, tekniku Shehi jo vetëm ka përgëzuar Përvan për lojën dhe golat, por ka shtuar edhe diçka më shumë. Takimi i Shehit me Marko Përvan u interpretua si një ftesë që mesfushori 21-vjeçar, edhe pse me kontratë huazimi ta mendojë qëndrimin e tij më gjatë në Korçë.
/Panorama Sport
