Kreu i opozitës Lulzim Basha, ka reaguar pas përfundimit të zgjedhjeve në Parlamentin Europian.
Përmes një postimi në Facebook, Basha shkruan se qytetarët Europianë me pjesëmarrjen e tyre në votime konfirmuan vendosmërinë për të mbrojtur vlerat Europiane.
Më tej Basha thekson se forca e qytetarëve në demokraci është vota, dhe për këtë arsye shqiptarët nuk do të bëjnë asnjë hap pas në betejën e tyre.
Ja postimi i Bashës:
Qytetarët europianë, me pjesmarrjen më masive të 20 viteve të fundit në zgjedhjet për Parlamentin Europian, konfirmuan vendosmërinë për të mbrojtur dhe çuar përpara vlerat europiane.
Jam i lumtur që familja jonë politike EPP – European People’s Party është konfirmuar forca e parë në parlamentin dhe qeverisjen europiane. Urimet më të përzemërta për presidentin Joseph Daul dhe PPE dhe në veçanti për fushatën e jashtëzakonshme të kandidatit tonë për President të Komisionit Europian Manfred Ëeber.
Forca e qytetarëve në demokraci është vota, prandaj beteja e shqiptarëve për votën e lirë është betejë jetike për vlerat europiane, për demokracinë perëndimore dhe për Shqipërinë si gjithë Europa.
Asnjë hap pas! #ShqipëriaSiEuropa #2qershor
