Jim Belushi është një prej aktorëve më të njohur me origjinë shqiptare në Shtetet e Bashkuara të Amerikës.
Prej një kohe të gjatë ai i ka munguar ekranit, por tashmë është duke iu përkushtuar fermës së tij. Nuk është një fermë e zakonshme siç mund ta mendoni, pasi ai aty kultivon marijuanë.
Belushi ka fermën e tij në Oregon të SHBA-së, një vend ku kultivimi i saj është i legalizuar. Aktori ka treguar se kultivimin e saj e bën për shkak të përfitimeve që ajo jep në mjekësi.
Belushi ka pranuar se ka qënë përdorues i marijuanës që nga gjimnazi dhe se vëllai i tij, aktori dhe skenaristi John Belushi ka humbur jetën nga mbidoza.
