Kjo betejë sot bëhet për Shqipërinë, kjo betejë sot bëhet për Evropën.
Në këtë orë vendimtare kur qytetarët evropiane u drejtohen kutive të votimit le ti shtrijnë sytë në këtë shesh e të shohin se beteja për vlerat evropiane në Shqipëri po shkon drejt fitores.
Kështu iu drejtua kryetari i PD-së, Lulzim Basha, mijëra mbështetësve të opozitës të mbledhur në bulevardin Dëshmorët e Kombit, nën thirrjet “Rama ik”.
“Në emrin tuaj dhe të një populli të tërë dua të shpreh mirënjohjen time të thellë për miqtë tanë perëndimorë që kanë folur me një zë dhe kanë kërkuar ti jepet fund farsës kriminale të zgjedhjeve kriminale pa opozitën, kanë kërkuar që edhe kreu i bandës në pushtet ti thërrasë mendjes dhe të jetë i gatshëm të zbatojë standardin evropian për përgjegjësitë që ka para kushtetutës e ti hapë rrugë zgjidhjes politike.
Populli shqiptar, populli evropian në këtë shesh e kudo është i vendosur për zgjidhjen politike. Ajo kalon vetëm përmes largimit të shkaktarit dhe pengmarrësit ët demokracisë.
Ai kurrë më nuk do ta ketë në dorë fatin e zgjedhjeve shqiptare. Ja ku është bashkimi dhe mesazhi ynë: Rama ik.
Nuk do të ketë asnjë kompromis në kurriz të normave europiane dhe amerikane. Le të jetë kjo mbrëmje preludi i zgjidhjes së krizës politike.
Sundimi i krimit duhet të marrë fund. Çdo vendim dhe veprim për të mos u larguar dhe për të moslejuar zgjidhjen e krizës politike, ka marrë përgjigjen nga ky shesh”, tha Basha.
