Kreu i FRPD-së, Belind Këlliçi ka deklaruar nga Bulevardi Dëshmorët e Kombit, se opozita nuk ka për të bërë asnjë hap pas, deri në largimin e Edi Ramës.
Ai tha se nuk do të ketë kompromis dhe tërheqje pas në asnjë moment, pa u plotësuar kërkesa numër një e opozitës, që është zgjedhje të lira dhe të ndershme, pa Ramën kryeministër.
‘Kjo betejë nuk bëhet për kompromis, por bëhet për të ardhmen e vendit. Kjo betejë do të zgjasë deri në plotësimin e kushtit kryesor për zgjedhje të lira dhe të ndershme pa Edi Ramën kryeministër. Protestat do të jenë të pandalshme, nuk do të ketë asnjë hap pas’, tha Këlliçi.
