Katër persona janë arrestuar nga policia për vepra të ndryshme penale.
Dy persona janë arrestuar në fshatin Buz të Memaliajt si dhe një i tretë është proceduar penalisht, në kuadër të operacionit për ndalimin e kultivimit të lëndëve narkotike.
Personat me iniciale H.C., 25 vjeç dhe B.C., 47 vjeç, janë arrestuar pasi u kapën duke kultivuar 60 kubikëve të kultivuar me fara Cannabis Sativa.
Ndërkohë materiale në Prokurorinë e Rrethit Gjyqësor Gjirokastër u referuan edhe për kryeplakun e fshatit, shtetasin me iniciale G.Ç.
Persona të tjerë të arrestuar nga policia kanë mbetur A.Q., 20 vjeç, banues në Mamurras për transportim të paligjshëm të shtetasve nga vendet e treta, si dhe shtetasi A.Xh., 30 vjeç, për ushtrim dhune fizike dhe psikologjike ndaj babait të tij.
Njoftimi i policisë:
Gjirokastër.
Strukturat e Drejtorisë Vendore të Policisë Gjirokastër vijojnë punën për goditje e paligjshmërisë.
Në Memaliaj, nga Shërbimet e Stacionit të Policisë Memaliaj u bë arrestimi në flagrancë i shtetasve H.C., 25 vjeç dhe B.C., 47 vjeç, pasi këta shtetas dyshohet se janë autorët e tentativës për kultivim të 60 kubikëve të kultivuar me fara Cannabis Sativa, në fshatin Buz, Memaliaj., si dhe u referuan materialet në Prokurorinë e Rrethit Gjyqësor Gjirokastër dhe për shtetasin G.Ç., me detyrë kryeplak i fshatit Buz.
———————————-
Në Gjirokastër, nga specialistët e Seksionit për Hetimin e Trafiqeve të Paligjshme u bë arrestimi në flagrancë i shtetasit A.Q., 20 vjeç, banues në Mamurras, pasi u kap duke transportuar me mjetin e tij 5 shtetas nga vendet e treta, kundrejt fitimit.
—————————–
Në Përmet, nga specialistët e Seksionit për Hetimin e Krimit u bë arrestimi në flagrancë i shtetasit A.Xh., 30 vjeç, pasi ky shtetas ka ushtruar dhunë fizike dhe psikologjike ndaj babait të tij.
Materialet i kaluan Prokurorisë për hetime të mëtejshme.
