Në kuadër të operacionit të koduar “Stafeta” policia e Gjirokastrës ka sekuestruar 5 kg heroinë dhe 10 kg kanabis sativa. Ndërkohë u bë edhe arrestimi i Ervis Canka, 30 vjeç , banues në Përmet, i cili po transportonte drogën me makinën luksoze me targa AA 828 NC me drejtim lëvizje Tepelenë – Përmet.
Droga u gjet rastësisht gjatë një kontrolli rutinë nga forcat e policisë ku shtetasi Ervis Canka bashkë me automjetin e tij u shoqërua për në ambjentet e Drejtorisë Vendore të Policisë Gjirokastër për një kontroll më të imtësishëm.
Nga kontrolli i automjetit rezultoi se në pjesën e pasme kishte në një hapësirë midis sediljes së pasme dhe bagazhit, brenda së cilës u konstatuan 10 pako me lëndë narkotike të dyshuar Heroinë të mbështjella me natriban me peshë totale 5 kg e 150 gr , si dhe 10 pako lëndë narkotike e dyshuar Cannabis Sattiva të mbështjella me natriban me peshë totale 10 kg.
Brenda në automjet u konstatuan dhe u sekuestruan dhe 6 aparate celularë.
Materialet i kaluan Prokurorisë së Rrethit Gjyqësor Gjirokastër për veprën penale “Prodhim dhe shitje narkotikësh”, parashikuar nga neni 283 i Kodit Penal.
