Ish-deputeti demokrat, Edmond Spaho, i ftuar në Top-talk, ka deklaruar se opoizta ëhstë e gatshme për dialog, por nuk do të pranojë kurrsesi që të negociojë me Ramën.
Ai ritheksoi se PD është e gatshme të hyjë në zgjedhje, vetëm nëse largohet edi rama, sipas tij ky ëhstë kushti i vetëm.
“Nuk kemi thënë që jemi kundër dialogut, përkundrazi kemi paraqitur një platformë me 10 pika, që mund të shërbejë si bazë për dialog. Kemi pranuar edhe negocimin ndërkombëtar për dialog, sikurse e dini që dy deputetë të Parlamentit gjerman, njëri prej të cilëve mjaft i rëndësishëm; është praktikisht kryetar i grupit CDU/CSU-së, kanë ofruar ndërmjetësim. Ajo që nuk pranojmë është që të negociojmë me Edi Ramën si Kryeministër dhe nuk pranojmë që ai të jetë Kryeministri i një qeverie provizore, e cila duhet të ketë detyrën për të krijuar kushtet për të bërë zgjedhje të lira dhe të ndershme. Nuk është kapriço e jona, nuk është kokëfortësi. Nuk heqim dorë nga ky kusht sepse në vitin 2017 ia kemi dhënë një herë kënaqësinë e Edi Ramës që të dialogonte me ne dhe të ishte kryetari i qeverisë, që zhvilloi zgjedhjet e 2017 dhe ndërsa premtoi se do të ishin zgjedhje të lira dhe të ndershme, në fakt i manipuloi, sikurse rezulton në dy dosjet dhe përgjimet e bëra nga organizatat e huaja partnere, jo nga ne. Kështu që ai e ka thyer marrëdhënien”, tha Spaho .
