Ministri i Brendshëm, Sandër Lleshaj replikoi me deputetin Myslim Murrizi në seancën e sotme parlamentare, duke folur me nota ironia ndaj deputetit të Lushnjes.
Pasi i përmendi emrin, Lleshaj ironizoi Murrizin duke u shprehur se do të shpërngulet në Lushnje vetëm që të votojë atë.
“Zoti Murrizi ju ndoqa me vëmendje dhe më pëlqen mënyra origjinale që përdorni. Nuk jam nga zona juaj, s’jam nga Lushnja por mund të transferohem vetëm për të votuar për ju”,-tha ndër të tjera Lleshaj.
Më herët, Murri tha pas raportimit të Agron Tufës në Kuvend se ne kemi pasur një ushtri spurdhjakësh dhe një tufë delesh nëse kemi 28 mijë dëshmorë.
“Unë besoj se ky intitut të studioj këtë histori fallco. Po u pyes drejtëpërdrejtë, sa dëshmorë kemi? Se po të kemi 28 mijë dëshmorë, ne kemi qenë një popull jo trimë, kemi qenë spurdhjakër. Ç’a luftë kanë bërë këta, një ushtri që të vriten 40%, nuk qenka ushtri kjo qenka një tufë më dele. Prandaj unë them që ky institut të studiojë periudhën e errët. Unë doja që instituti të bënte një studim serioz, pasi kështu nuk mund të vijohet më. Ju thoni se keni dashur që të merrni informacion, por nuk u ka dhënë Helidon Bendo. Thotë që nuk i jep informacion Sandër Lleshaj. Po pse nuk japin informacion këta, pse kanë frikë”, shtoi deputeti.
