Kreu i Partisë Demokristiane, Nard Ndoka, i ftuar në Fax news, ka komentuar situatën politike brenda vendit, dhe mundësitë për zgjedhe të parakohshme parlamentare.
Ndoka ka deklaruar se presidenti Meta po konsultohet për shpërndarjen e parlamentit si dhe shtyrjen e zgjedhjeve lokale të 30 qershorit.
Ai u shpreh në të njëjtën linjë si kreu i PD, Lulzim Basha, se nuk mund të ketë zgjedhje pa opozitën. Gjithashtu Ndoka theksoi se arsyeja e vetme që Rama nuk lejon vendin të shkojë në zgjedhje të parakohshme është se po mbahet peng nga oligarkët.
“Nuk është deklaruar gjë në aspektin e rrëzimit fizik të Ramës. Vetë protesta, pjesëmarrja qytetare e lartë tregon shumë.
Rama e kupton që një masë e madhe e qytetarëve janë kundër tij. Ai është peng i oligarkëve. Në ktë sens presioni i tij është prej oligarkëve. Unaza e Re është gropë korruptive shumë e madhe. Është kulla që do ndërtohet në Tiranë.
Shembja e stadiumit, ndarja e madhe, shumë afera që ë shoqërojnë. Ky është peng i oligarkëve. Zgjedhjet s’janë fund i botës. Ne themi largohu nga posti hapi rrugë zgjedhjeve”, deklaroi Ndoka.
