Në Gjykatën e Tiranës, u zhvillua këtë të mërkurë seanca e kryeministrit Edi Rama, i cili ka paditur për shpifje kreun e PD-së, Lulzim Basha.
Në seancë munguan si Rama ashtu edhe Basha, të cilët u përfaqësuan nga avokatët përkatës. Padia e kryeministrit Rama është bërë për “shkaktim dëmi”. Gjatë seancës së sotme, avokatja e Ramës sqaroi akuzat. Ajo i cilësoi të gënjeshtra akuzat e kreut të PD-së Lulzim Basha, bërë përmes rrjetit social Facebook në 40 statuse, në adresë rë kreut të qeverisë, lidhur me kanabizimin e vendin, ish-ministrin Fatmir Xhafaj, etj. Për çdo status të Bashës, është bërë 1 padi nga ana e kryeministrit.
Ndërkohë, avokati mbrojtës i kryeopozitarit u shpreh se deklarata e bëra nga Basha vijnë edhe si pasojë e raporteve të ndërkombëtarëve, si europiane, po ashtu edhe amerikanë.
Në fund, gjykatësi vendosi mbajtjen e seancës së radhës më 26 qershor, ora 12. /Boldnews/
