Gjykata e Apelit në Shkodër ka rrëzuar të gjitha akuzat e prokurorisë ndaj biznesmenit të njohur Sait Fishta, duke e liruar dhe nxjerrë të pafajshëm.
Fishta u akuzua për ndërtim pa leje nga prokuroria, por Gjykata e Apelit vlerësoi se nuk kishte asnjë parregullsi në dokumentat e paraqitura nga biznesmeni dhe rrëzoi cdo akuzë ndaj tij.
Me këtë vendim, gjykata hoqi edhe sekuestron e vendosur për 9 pallate në plazhin e Velipojës. Për avokatin mbrojtës, vendimi i Gjykatës së Apelit është një triumf i drejtësisë.
“Është vendim korrekt dhe në përputhje me ligjin. Vendimi i Gjykatës së Shkallës së Parë nuk ishte i bazuar në ligj edhe në prova. Kur është sipërfaqja nën 0.5 hektarë leja të jep KRRTRSH e pushtetit vendor, mbi 5 hektarë jep KRRTRSH”-është shprehur avokati Përparim Sanxhaku.
Trupa gjykuese e cilësoi gjithashtu të paligjshëm ndalimin e biznesmenit Fishta, e për rrjedhojë vendosi heqjen e garancisë pasurore prej 50 mijë eurosh.
