Alfred Bejleri vendosi të kandidojë për kreun e Bashkisë së Himarës si kandidat i pavarur për zgjedhjet lokale të 30 qershorit, por Komisioni Qëndror i Zgjedhjeve ka refuzuar kandidimine tij.
Në një deklaratë për shtyp, presidenti i OMONIA-s u shpreh se vendimi ishte në kundërshtim me ligjin dhe se KQZ ende nuk e kishte zbardhur një vendim të firmosur nga të gjithë anëtaret ashtu siç edhe parashikohet në Kodin Zgjedhor.
DEKLARATË PËR SHTYP
Komisioni Qendror i Zgjedhjeve ne daten 17 .05.2019 ka publikuar vendimin per refuzimin e kandidatures time per Kryetar te Bashkise Himare duke iu referuar Ligjit 138 /2016 Per Garantimin e Integritetit te Personave qe Zgjidhen, Emerohen dhe Ushtrojne Funksione Publike .
Deklaroj se ky vendim eshte absolutisht ne kundershtim me frymen e ligjit dhe haptazi i njeanshem perderisa KQZ edhe sot nuk e ka zbardhur akoma kete vendim dhe nuk ma ka dhene per njohje te firmosur nga te gjithe anetaret e KQZ sikunder parashikon Kodi Zgjedhor ne fuqi.
Vonesa e qellimshme ne zbardhjen e vendimit dukshem eshte nje menyre per te me mohuar mua te drejten kushtetuese te ankimimit ne Kolegjin Zgjedhor te Shqiperise dhe nga ana tjeter eshte nje menyre qe media te caktuara te abuzojne lidhur me lajmin duke publikuar te dhena te pa verteta ose fakte te shtremberuara lidhur me figuren time dhe kandidimin per Kryetar Bashkie ne Himare.
Refuzimi nga KQZ i kandidatures time prish procesin e votimit ne Bashkine Himare dhe cenon rende standartet zgjedhore duke i dhene mundesine kandidatit te PS te garoje i vetem dhe pa kundershtare.
I bej thirrje KQZ te me jape te zbardhur vendimin konform Kodit Zgjedhor dhe te heq dore nga pazaret politike ne dem te zgjedhezve Himarjote.
Kandidati per Kryetar Bashkie
Dhionisis Alfred Beleri Himare, me 20 maj 2019
