Një tjetër skandal është zbardhur përmes mesazheve dhe lutjeve që adresohen tek ish-deputetë apo njerëz që kanë ende pushtetin politik në dorë për të bërë një ndryshim sado të vogël. Këtë herë nuk bëhet fjalë as për tendera e as për miliona, por për të ardhmen e fëmijëve që jetojnë dhe studiojnë në Shqipëri. Duke bërë një tjetër denoncim përmes llogarisë së saj në Faceebook, ish-deputetja Albana Vokshi ka reaguar lidhur me kriteret e reja për aplikimin në universitete , të cilat kanë ndryshuar vetëm pak ditë përpara provimeve finale.
Shumë prej maturantëve janë ankuar për rritjen e notës mesatare vetem disa javë para provimeve përfundimtare, duke u hequr kështu mundësitë për të vazhduar konkurimin në një nga degët që ata duan, e duke u hequr kështu një nga një të gjitha mundësitë për të krijuar një karrierë në vendin e tyre.
Statusi i Albana Vokshit
Rritja e notës mesatare për maturantët që duan të ndjekin universitetin është kufizim i #lirisë për #arsim. Këto ditë, kam marrë shumë mesazhe shqetësimi nga prindër të nxënësve maturantë, por edhe mësues gjimnazesh të ndryshme në vend, në lidhje me vendimin e marrë së fundmi nga Këshilli i Ministrave për rritjen e notës mesatare për pranimet në Universitete.
Kështu për vitin akademik 2019-2020:
– Nota mesatare rritet nga 7 në 7.5 – për maturantët që aplikojnë për t’u pranuar në programet e studimit të fushës së mësuesisë;
– Nota mesatare rritet nga 6 në 6.5 – për të gjithë maturantët që duan të ndjekin programet e tjera të studimit të ciklit të parë dhe në programet e integruara të studimeve të ciklit të dytë.
Ky vendim keqdashës, abuziv, antikushtetues, i marrë vetëm pak ditë para përfundimit të maturës, tregon qartësisht që Rama-Shahini nuk e kanë Arsimin prioritet.
Ky vendim ndryshon rregullat e pranimit në Universitete, duke mos i dhënë mundësi asnjë maturanti të mund të përmirësojë notën mesatare, e duke përjashtuar shumë prej tyre nga mundësia për arsimim.
Duke ju mohuar të drejtën për arsimin, Rama po kërkon të largojë nga Shqipëria pjesën më vitale, më të talentuar të shoqërisë.
Në këto kushte, maturantët kanë të gjithë të drejtën të #bojkotojnë #provimete #maturës.
Maturantët të #protestojnë për të drejtat e tyre kushtetuese e për të ardhmen e tyre në Shqipëri.
#Rama#ik!!
