Deputeti më i ri, Kujtim Gjuzi, ka befasuar të gjithë edhe sot. Në një kohë kur KQZ po diskutonte në lidhje me regjistrimin ose jo të Bindjes Demokratike në zgjedhjet e 30 qershorit.
Por edhe pse Gjuzi tashmë ka marrë mandatin, ai sërish vijon të endet korridoreve të KQZ-së. prania e Gjuzit në KQZ nuk është e para, pasi dhe dy muaj më parë, kur ishte ende një kandidat për deputet ai endej korridoreve të këtij institucioni dhe kërkonte shpjegime se kur do të merrte mandatin.
Sot në KQZ është diskutuar regjistrimi i kandidatëve të Partisë Bindja Demokratike për zgjedhjet lokale të 30 qershorit, çështje e cila ka futur në sherr përfaqësuesit e PD dhe PS në Komisionin Qendror të Zgjedhjeve. Pas debateve KQZ ka vendosur që të mos marrë parasysh pretendimet e PD dhe ka regjistruar kandidatët e Bindjes.
