Dy persona humbën jetën në një aksident tragjik, ndërsa pak momente para se të përplaseshin filmuan veten duke udhëtuar me 220 km në orë.
Në automjet ndodheshin 39-vjeçari Luigi Visconti dhe 36-vjeçarin Fausto Dal Moro. Automjeti u përplas me mbrojtëset anash rrugës, ndërsa të dy personat humbën jetën.
“Po shkojmë në Rovigo djema dhe jemi me vetëm 200 km/h, tregoju me sa po ecim”. Janë fjalët që dëgjohen në videon e shpërndarë në rrjet pak para aksidentit të ndodhur mes Modenës së Veriut dhe asaj Jugore.
Dyshja filmonte veten ndërkohë që udhëtonin në autostradë, e me sa kuptohet ishin drejtuar për në një festë me muzikë techno.
“Kjo makinë është një mostër, jemi me 220 km/h. Të ndalojmë në një fast food? Po na pret droga dhe gjithçka tjetër”, dëgjohet në videon e shpërndarë.
Dinamika e aksidentit është ende duke u zbardhur nga policia. Sipas hipotezës më të mundshme, dy miqtë, pas përplasjes, kanë arritur të dalin nga makina. E menjëherë pas kësaj, janë përplasur nga një tjetër makinë që kalonte në atë korsi.
Kjo dyshohet pasi të dy trupat janë gjendur shumë metra larg nga makina e tyre.
