Moderatorja e njohur Jonida Vokshi mbrëmjen e sotme ka qenë e ftuar në emisionin “Xing me Ermalin” prej ku për herë të parë ka folur për romancën e saj me një aktor/producent shumë të njohur.
Por jo vetëm kaq! Bukuroshja ka pohuar se ka plane të afërta për martesë kështu që një dasmë është në horizont.
“Unë me të jam njohur tek seriali ‘O sa mirë’ pasi ishim të dy pjesë e kastit të serialit. Kemi qenë në fillim miq, dhe duke u njohur, duke kaluar kohë bashkë, u dashuruam. Si dy të dashuruar, do vijë një moment që do konkludohet dashuria. Qe si një lloj dashurie me shikim të parë, ka qenë një lloj shkëndije si ajo e një dashurie me shikim të parë”- tha ajo.
Për të gjithë ju që jeni kuriozë, personi që i ka rrëmbyer zemrën Jonidës quhet Besnik Krapi.
Nuk na mbetet gjë tjetër veçse të urojmë përzemërsisht çiftin më të ri të showbiz-it.
