Ish-deputeti i PD, Bardh Spahia, e ka cilësuar një lëvizje të mirëmenduar të Edi Ramës, marrjen në pyetje nga ana e Prokurorisë së Krimeve të Rënda të Vangjush Dakos, i cili është pyetur për përgjimet e ‘Dosjes 339’.
Për Spahinë Rama me këtë lëvizje po tenton të justifikohet pak ditë para dalës së progres raportit të KE-së si dhe po i jep pikë prokurores së përkohshme të tij për ta bërë të përhershme.
Megjithatë Spahia shtron pyetjen se a ka leje prokuroria edhe për të marrë në pyetje edhe emrat e dosjes 184, të cilët janë Rama, Gjiknuri dhe Ulsi Manja.
Ja postimi i Spahisë:
PUNET E ERRETA BEHEN NE HIJE
Prokuroria paska marre guximin me ne fund te marre ne pyetje Vangjush Dakon, 7 muaj pasi bashkepunetori i ngushte i Rames i pranoi vete komunikimet me Avdylajt ne fushate zgjedhore. Lajmi mbahet i fshehte per dy dite. Rama nuk e justifikonte dot me këtë paralizim te organit te akuzes. Levizja eshte e miremenduar si gjithnje: tenton te “justifikoje” deri diku Ramen, pak dite para daljes se progres raportit te KE, e i jep pike edhe ambicjes se te emeruares se tij te perkohshme ne krye te organit te akuzes per t’u bere e perhershme. Por pikepyetja eshte: a i eshte dhene leje prokuroreve te marrin ne pyetje edhe emrat e dosjes 184, qe sic kane dale ne media jane vete kryeministri Rama e njerezit e tij te besuar Gjiknuri e Manja? Gjithcka tjeter eshte pjese e perralles qe fatkesisht e beson edhe ndonje nderkombetar#S’kaZgjedhjeMeRamen
