Kancelari i Austrisë , Sebastian Kurz e ka çuar vendin ditën e sotme në zgjedhje të parakohshme pas skandalit te videopërgjimit të zëvendësit të tij, i cili akuzohet për blerje votash, ndërsa në Shqipëri kryeministri Rama është i vendosur ta çojë vendin në luftë civile, edhe pse ka qindra mesazhe që faktojnë bashkëpunimin e tij me krimin në zgjedhje.
Pas këtij lajmi ka ardhur dhe reagimi i fortë i ish-kryeministri Berisha, i cili duke ju referuar rastit të Austrisë, shkruan se në Shqipëri një gjë e tillë nuk mund të ndodhë, pasi në krye të qeverisë është një person skizoid.
Ja postimi i Berishës:
Jo jo nuk je kancelari i nderuar Kurz i Austrise por je bastardi skizoid i eterve xhelat! 25 maji po vjen! Fati i tyre te pret o Kryekriminel i Votes se Lire!
Miq, shkak për dorëheqjen e Kancelarit Kurtz është bërë videoskandali me zëvendësin e tij, Heinz-Christian Strache, i cili dha dorëheqjen më herët.
Në video skandal shfaqej zv/kancelari me një manjate ruse, të cilët bënin pazare për të fituar zgjedhjet e vitit 2017. Në planet e tyre ishte edhe blerja e disa mediave.
Por në Shqipëri, edhe pse prokuroria ka përgjime ku dëgjohen eksponentë të lartë të mazhorancës teksa flasin edhe me njerëz të botës së krimit për blerjen e votave, sërish askush nuk ka dhënë dorëheqjen.
Frymëzuar nga kjo, në rrjet po qarkullon një meme, ku shfaqet Rama duke thënë: “Pse, kush jam unë, Kancelari Austriak?
