Komisioni Qendror i Zgjedhjeve i ka ndaluar kandidimin Fredi Belerit në zgjedhjet e 30 qershorit si kandidat i pavarur në Bashkinë e Himarës, pasi siç raporton “A2 CNN”, është gjetur në shkelje të ligjit të dekriminalizimit.
“Burimet bëjnë të ditur se në vitin 1999, Gjykata e Athinës e ka dënuar me 18 muaj burg për mbajtje pa leje të armës. Nga ky dënim, ai nuk ka kryer burg.
Ndërsa në vitin 2006, Gjykata e Vlorës e ka dënuar me 3 vjet burg për thirrje urrejtjeje nacionaliste. Edhe për këtë vendim nuk ka kryer burg”, shkruan A2.
