Në kontinentin australian qytetarët që zgjedhin të mos votojnë mund të gjobiten, dhe ata që nuk paguajnë mund të përballen me pasoja edhe më të rënda si marrja e lejes së drejtimit të automjetit. Gjoba për mos votim në zgjedhjet federale është 20 $. Por mund të jetë shumë më keq se kaq!
Nëse një votues nuk arrin të paguajë gjobën modeste, shifra rritet deri në një maksimum prej 180 dollarësh. Nëse ata ende nuk kanë paguar dhe afati ka kaluar, Komisioni Australian i Zgjedhjeve mund t’i çojë ata në gjykatë.
Faqja e internetit e Komisionit Zgjedhor Australian thotë: “Kushdo që zgjedh të mos paguajë gjobën e urdhëruar nga gjykata do të trajtohet nga Gjykata në përputhje me rrethanat, dhe kjo mund të përfshijë urdhra të shërbimit të komunitetit, konfiskimin e mallrave ose sanksione të tjera të vendosura nga gjykata”.
Në shtete të ndryshme të Australisë, gjobat variojnë me çmime të ndryshme. Gjoba për mos votim në zgjedhjet e shtetit të Neë South Ëales është 55 dollarë. Një zgjedhës duhet të përgjigjet brenda 28 ditëve nga data e lëshimit të njoftimit të ndëshkimit dhe nëse ata nuk paguajnë, do të merrem masa të tjera.
Agjencia mund të lëshojë një urdhër për zbatimin e njoftimit të ndëshkimit, i cili mund të çojë në anulimin ose pezullimin e patentës së shoferit ose anulimin e një regjistrimi të makinave. Në Queensland, gjoba është 126.15 dollarë për mos votim. Në Australinë e Jugut gjoba është 70 dollarë, duke u rritur në 125 dollarë.
