Ish-deputeti Oerd Bylykbashi ka reaguar lidhur me vendimin e fundit të qeverisë për taksimin e një prej autostradave më të frekuentuara, aksin që lidh kryeqytetin me qytetin bregdetar Durrësin. Autostrada Tiranë-Durrës, shumë shpejt do të jetë një aks kalimi me pagesë dhe taksa për të nuk do të jetë aspak e leverdisshme. Por, kjo me sa duket nuk ka shumë rëndësi për sa kohë në xhepat e konçensionarëve do të futen lekë ‘pa hesap’.
Përmes një statusi në Facebook, ish-deputeti Bylykbashi u ka bërë thirrje të gjithë shqiptarëve të ms lejojnë më një vjedhje të tillë e të kundërshtojnë këtë vendim.
Statusi i Bylykbashit
Ne vjeshte “maskat” bllokojne autostraden Durres-Tirane
Bandat me “maska” koncensionari te Rames do te dalin edhe ne autostraden Tirane – Durres. Rama do te taksoje cdo durrsak, kavajas, lushnjar, fierak, vlonjat, gjirokastrit e kedo tjeter qe perdor autostraden Durres-Tirane per te shkuar per pune, hall, qejf, mardhenie familjare apo miqesie ne Tirane. Takse do te paguaje cdo tiranas qe ka pune, qe do te vije per nje dreke familjare apo nje fundjave ne bregdet.
Takse, takse takse per cdo kend! Taksat do t’i marre miku oligark qe ofron llokmen me te madhe dhe qe do ta kete me mire ne ate moment me Edi Ramen. Babezia e tij eshte bere si arteroskleroze qe bllokon qarkullimin e gjakut te ekonomise se shqiptareve.
Edi Rama po grabit shqiptaret me ritem te shfrenuar. Paraardhesit e tij ne 1945 i grabiten pronat e shqiptareve me gryken e pushkes. Ky po i grabit me Kod Civil dhe kontrata koncensioni qe te mos guxosh t’ua marresh, perndryshe te padisin ne gjykatat qe po mbushin me militantet e tyre pasi kapen reformen ne drejtesi. Dhe gjyqtaret do t’i kthejne nderin e emerimit, duke ia mbrojtur interesat e felliqura.
Ketij grabitqari po i vjen fundi me shpejtesi. Ndaj deri sa te shporret, do te perpiqet te grabise ne ikje e siper cdo prone e pasuri te shqiptareve. Me 25 maj gjithkush ka sepaku nje arsye te madhe per te protestuar per shporrjen e çetes se kusareve qe ka uzurpuar pushtetin e shqiptareve.
