Kryetari i PD-së, Lulzim Basha u shpreh gjatë konferencës me gazetarët paditen e sotme se, kandidati i PS-së për Shijakut ka lidhje të forta me familje të angazhuar në aktivitete kriminale.
“Kandidati i Shijakut është i vendosur nga Avdylajt dhe Keccajt. Shume shpejt do te dalin fakte për ketë”, deklaroi kreu i PD-së. Basha theksoi se kandidatë të shumtë në listën e PS-së për kryebashkiakë”, kanë lidhje të forta me krimin.
Po kush është kandidati i PS për Shijakun, për zgjedhjet lokale? Elton Arbana nuk është një emër i panjohur në strukturat e Partisë Socialiste apo edhe si drejtues në nivel lokal. Arbana ka lindur 25.12.1984 në Shijak, i martuar dhe baba i 4 fëmijëve, 3 vajzave dhe një djalë.
Arsimin e mesëm e ka kryer në Turqi në periudhën 1999-2003 ndërsa është diplomuar në fakultetin Juridik, pranë një universiteti privat.
Fillimisht është angazhuar pranë biznesit të tij privat, në fushën e tregtisë së automjeteve, ndërsa më pas, ka nisur dhe angazhimin e tij në politikë, fillimisht si anëtar i FRESSH dhe më pas në strukturat drejtuese të Partisë Socialiste. Që prej vitit 2016 është Kryetar i PS për degën lokale, Shijak. Nga 2013-2017 ka punuar si Përgjegjës Sektori i IKMT, Qarku Durrës.
Në garën për kandidat për kryebashkiak në zgjedhjet loakle të ardhshme, ai mundi edhe kryetarin aktual të Bashkisë, Ardian Kokomani.
