I ftuar në emisionin “Kampionët” në “Vizion Plus”, mesfushori i Partizanit, Bruno Telushi, veç të tjerave nuk nguroi të ironizonte rivalët e Kukësit, për deklaratat e tyre të shpeshta në media, se Partizanin do e lënë gjunjët në fund të kampionatit. Vlonjati i falenderon verilindorët për deklaratat, pasi sipas tij këto deklarata i kanë motivuar.
“Në fillim të sezonit Flamurtari ishte një ekip shumë i mirë, por filluan problemet financiare. Pas disa javësh rivali kryesor ishte Kukësi. Ata na kanë motivuar, i falënderoj për deklaratat që kanë bërë: “Jo gjunjët, jo biçikleta”. Ndonjëherë kur të mungon karikimi, këto deklarata të karikojnë. Titulli kampion nuk ishte objektiv.
Kjo ka bërë dhe mirë për grupi, pasi nuk ishte ai presioni: ‘O kampion o s’ka’. Pas javës së 10-të grupi filloi ta kuptonte se titulli ishte i mundshëmJemi ulur me presidentin dhe na ka thënë: Djema mendojeni vetë shifrën e premios. Gjithsesi ne lojtarët ende nuk jemi mbledhur që të vendosim për këtë gjë”, u shpreh Telushi.
