Ambasada e SHBA-ve në Tiranë, ka shprehur ngushëllimet pas humbjes së jetës së Major Klodian Tanushit në krye të detyrës në Letoni.
Me anë të një postimi në rrjetet sociale, ambasada ka shprehur ngushëllimet për të afërmit miqtë dhe familjarët e tij dhe ndër të tjera ka shtuar se i bashkohet vajtimit për humbjen e tij.
Postim i plotë
Shtetet e Bashkuara shprehin ngushëllimet më të thella për familjen dhe miqtë e Majorit Klodian Tanushi, i cili humbi jetën në krye të detyrës gjatë misionit të NATO-s në Letoni. Iu bashkohemi qytetarëve shqiptarë në nderimin e sakrificës së tij dhe në vajtimin për humbjen e tij.
Kujtojmë se Major Tanushi u plagos për vdekje më 6 maj në Letoni gjatë një stërvitjeje në Camo Adazi në Letoni. Nga shpërthimi i një bombe, humbi jetën nëntetarja Zarife Hasanaj, dhe përveç majorit Tanushi u plagos edhe nëntetari Julian Kapaj. Trupi i të ndjerit do të vijë në atdhe të mërkurën.
