Një aksident i rëndë automobilistik ka ndodhur në Itali ku si pasojë ka mbetur i plagosur rëndë një fëmijë 4-vjeç me origjinë shqiptare.
Sipas mediave italiane aksidenti ka ndodhur në rrugën “Arnaccio”, në afërsi të Cascina, ku fëmijë mbeti i plagosur rëndë, por ai u transportua me helikopter në spitalin pediatrik Meyer, në Firence.
Gjendja e 4-vjecarit raportohet se është jashtë rrezikut për jetën.
Fëmija ishte duke udhëtuar me makinën që drejtohej nga e ëma e tij në momentin kur u përplas me një tjetër makinë.
Nga aksidenti është plagosur edhe shoferja e automjetit tjetër.
