Këngëtarja e njohur Xhensila Myrtezaj nuk do të shkoj asnjëherë në emisionin ‘Nd’rrimi i natës’ në Klan Kosova, pasi i ka mbetur hatri me moderatorin e emisionit Alaudin Hamiti.
Dhe këtë e ka treguar vetë moderatori Alaudin Hamiti gjatë bisedës me të ftuarin e tij të rradhës reperin e njohur Don Phenom.
Moderatori së bashku me reperin po luanin lojën ‘Haje ose thuaje’ e cila konsiston në thënien e një emri për pyetjen e bërë ose për ndryshe duhet të pish pijën pikante që ke para.
‘Cilin nga reperët shqiptarë nuk mund ta dëgjosh fare sepse s’të pëlqen’?! Por moderatori refuzoi të përgjigjej dhe në vend të përgjgjigjes hëngri specin djegës.
Moderatori zbuloi edhe arsyen përse nuk tha një emër, duke treguar historinë me Xhensilën:
“Jooo a e di pse është problem? Sepse më është bërë një pyetje për këto këngëtaret që janë me emër tani, ka qenë Elvana, Tuna edhe Xhensila. Edhe i ftuari më ka pyetur, cila prej tyre më pëlqen më pak ose që ka talent më pak edhe unë kam thënë emrin e Xhensilës”.
Pas kësaj deklarate, Alaudin Hamiti madje ka tentuar të ftojë Xhensilën në emision, por kjo e fundit nuk ka pranuar pasi sipas tij, i ka mbetur hatri:
“Edhe Xhensila ka hatërmbetje që atëherë. Unë e kam ftuar Xhensilën në emision, në fakt këto koleget e mia e kanë ftuar dhe përgjigjja e saj ka qenë: Jo se s’më pëlqen moderatori”.
