Një moment i pakëndshëm për Alfred Pezën në emisionin “Open” në Top Channel, ku ishte i ftuar mbrëmjen e sotme.
Në emisionin me lajtmotiv protestën e opozitës, Sekretari për mediat në PS shfaqi mos përmbajtje duke vijuar të flasë në një kohë kur drejtuesja e emisionit Eni Vaisli i kërkoi të ndërpriste ligjëratën.
Në një moment, Vasili i ndërpret fjalën dhe kalon në publicitet.
“Kur të kesh emisionin tënd drejtoje si të duash”, i tha ajo para se të urdhëronte nisjen e publicitetit.
Më herët gjatë emisionit, Peza shkëmbe replika edhe me ish-deputetin e PD-së Ervin Salianji, i cili foli përmes një komunikimi me video.
