Gjykata Kushtetuese ka vendosur të mos pranojë padinë e KLD-s e cila kërkonte prishjen e vendimit të Gjykatës së Lartë që i kish dhënë të drejtë Ina Ramës për tu rikthyer në postin e gjyqtares në apel.
Mësohet se gjykata Kushtetuese ka lënë në fuqi detyrimin e Këshillit të Lartë të Drejtësisë për rikthimin në punë të ish-kryeprokurores Ina Rama në Gjykatën e Apelit.
“Kërkuesi nuk ka arritur të argumentojë në nivel kushtetues pretendimet për shkelje të procesit të rregullt ligjor, sipas kërkesave të nenit 42 të Kushtetutës, për rrjedhojë ato janë haptazi të pabazuara”, thotë gjykata Kushtetuese.
Megjithatë mbetet për t’u parë nëse KLD do ta zbatojë këtë vendim të Kushtetueses apo jo.
Ish-kryeprokurorja Ina Rama u përplas me mazhorancën e shkuar pas ngjarjeve të 21 janarit. Ish-kryeministri Berisha e sulmoi atë duke e etiketuar si “lavire bulevardi”.
