Një tjetër automjet është djegur gjatë natës në Cërrik. Mësohet se mjeti i djegur është në pronësi të shtetasit I.K. Mjeti ka qenë i parkuar pranë banesës, dhe është djegur pjesërisht. Nuk dihet ende nëse kemi të bëjmë me një zjarrvënie të qëllimshme.
Njoftimi i Policisë
Gjatë natës në lagjen nr 1, Cërrik, ka rënë zjarr në mjetin në pronësi të shtetasit I.K., i cili ishte i parkuar në rrugë pranë banesës.
Si pasojë mjeti është djegur pjesërisht.
Grupi hetimor po punon për zbardhjen e plotë të rrethanave dhe shkakut të rënies së zjarrit në automjet.
