Nga Boldnews.al
Valbona Sako është kandidatura e përzgjedhur nga Partia Socialiste për bashkinë e Durrësit. Pas tërheqjes së Vangjush Dakos nga gara për një tjetër mandate, gara mes socialistëve në Durrës mund të cilësohej më interesantja, kjo për vetë faktin se pati një përplasje mes klaneve të ndryshme në Partinë Socialiste.
Fillimisht për garën në qytetin bregdetar u shfaqën 4 emra, mes të cilësve Spartak Kovaçi, drejtor i Ujësjellësit, i cili i rezistoi çdo sondazhi deri në momentin që udhëzimi nga Tirana, kërkonte një kandidaturë femër për këtë qytet.
Në këto kushte, socialistët nisën propozimet nga e para kur në skenë si kandidatë dolën emrat e deputeteve Klodiana Spahiu dhe Milva Ekonomi, zv.ministres së Brendshme, Rovena Voda, si dhe anëtares së këshillit bashkiak, Ana Dhamo.
Madje emri i kësaj të fundit sipas raportimeve, rezultoi se ishte edhe më i kuotuari nga Edi Rama, kryeministër dhe kryetar i PS-së, ndërsa mbështetej edhe nga Lefter Koka, deputet i Qarkut të Durrësit, i cili nuk dorëzoi mandatin ashtu sikundër bënë kolegët e tij të LSI-së.
Por në momentet e fundit, në tavolinën e kreut socialist u hodh emri i Valbona Sakos, e cila sipas burimeve nga PS, kishte mbështetjen e plotë të kryebashkiakut actual, Vangjush Dako.
Sako nuk njihej në strukturat e PS-së në Durrës si një aktiviste, pavarësisht pozicionit të saj si Drejtore e Tatimeve në Durrës.
Por duket se suporti dhe mbështetja që i ka dhënë Dako, por edhe idea për të garuar me një kandidate, jo militante, në kushtet kur opozita zyrtare PD-LSI dhe aleatët e saj, kanë deklaruar se nuk do të marrin pjesë në zgjedhje, ka bërë që vëmendja për përzgjedhjen e kandidaturës për kryebashkiake të përqëndrohet pikërisht te Valbona Sako.
Burime nga PS bëjnë të ditur se për këtë kandidaturë kryebashkiaku Dako dhënë garanci të plota, si dhe ka marrë përsipër drejtimin e fushatës, gjë që duket se ka bindur apo detyruar kupolën e socialistëve, që të pranojnë emrin e saj.
Po kush është Valbona Sako
E martuar dhe nënë e dy vajzave, Valbona Sako ka përfunduar arsimin e lartë në Universitetitn shtetëror të Tiranës në fakultetin e Ekonomisë, dega e Ekonomi – Financë me rezultate të larta. Ndërkohë që më pas, është kualifikuar si më poshtë:
Flet shumë mirë 3 gjuhë të huaja, Italisht, Frëngjisht dhe Anglisht. Drejton prej më shumë se 6 vitesh Drejtorinë Rajonale të Tatimeve, Dega Durrës.
Kurse kualifikimi mbi fiskalitetin nga Drejtoria e Përgjithshme e Tatimeve
Shkolla e fiskalitetit “NOISSY LE GRAND” Paris, 09.05.2002-31.05.2002 përfituar me testim pranë Ambasadës Franceze
Shkolla e fiskalitetit “NOISSY LE GRAND” Paris 19.06.2006-07.07.2006 2002 përfituar me testim pranë Ambasadës Franceze
Në Berlin tek Organizata Ndërkombëtare IOTA 18-20/06/2014 për tema “Boshllëkun Tatimor”. Në Gjeorgji për “Bashkimin Tatime-Dogana”
Në Bukuresht 07-08/07.20016 tek Organizata Ndërkombëtare IOTA për tema “Boshllëkun Tatimor”
Në Bukuresht dt 30.05-02/06/20017 tek Organizata Ndërkombëtare FMN për tema “VAT policy and administration challenges in the ECA Region”
Në SOFJE dt 31/10-02/11/2017 tek Organizata Ndërkombëtare IOTA.
Ne BUDAPEST dt 08-09/11/2017 tek Organizata Ndërkombëtare IOTA për tema “Qeverisja tatimore dhe siguria e të dhënave”.
Në Vienë dt.13-14/12/2017 BMF Federal Ministry of Finance për tema :” Risk Management, Tax and Customs Coordination, Tax office:structure, tasks. Activities; advantages/disadvantages for the tax payers incl. current projects”.
1993-1999 – Llogaritare e parë në NFLU
2000- 2013 – Inspektore vlerësimi, Risku, Kontrolli Tatimor, Specialiste Rregjistrimi në Drejtorinë e Shërbimit ndaj Tatimpaguesit, në Drejtorinë Rajonale Tatimore Durrës
02.11.2013 – 10.05.2019 – Drejtor Rajonal i Drejtorisë Rajonale Tatimore Durrës
