Gjatë takimit me të rinjtë evropianë demokratë, ish kryeministri Sali Berisha u shpreh se, vendi është shndërruar në narkoshtet. Paratë e drogës po shkatërrojnë ekonominë, sipas tij, duke dhënë edhe shifra të frikshme.
Berisha nuk kurseu as kritikat ndaj ministrit Sandër Lleshi, duke e quajtur gjeneral kanabisi.
‘Pyetja e parë më legjitime që secili nga ju, secili nga miqtë tuaj mund ti shtrojë vetes, pse këta deputetë dhe kjo parti ka braktisur çdo gjë dhe po bën një betejë të paprecedentë kundër regjimit në fuqi? Shqipëria sot është një vend i NATO-s, është një vend që aspiron të hapë negociatat me BE. Cili është shkaku themelor i kësaj situate të krijuar? Miq në Shqipëri është instaluar një regjim që mund të gjendet askund tjetër në botë, përveçse në Venezuelë. Në Shqipëri është i instaluar një regjim kakistokracik. Kreu aktual i qeverisë në vitin 2013-të solli në pushtet të gjithë bijtë e xhelatëve të popullit shqiptar. Atyre të cilët kishin kryer gjenocid dhe krime kundër njerëzimit më monstruoze. Enver Hoxha nuk bëri krimet e Hitlerit në vendet e tjera, por në popullin e tij ai bëri krimet më monstruoze. Babi i Edi Ramës firmosi për vrasjen e poetit Havzi Nela, dhe i biri ende nuk ka kërkuar falje për veprimet e të atit. Erdhi gjeneral kanabisi. Këshilltari i Ramës që duhej ta këshillonte se çfarë rreziku përbënte kanabisi. Shqipëria u mbush me kanabis edhe me këshillat e tij. Këto po lexoja nga një revistë britanike. Epidemia e kokainës në Britaninë e Madhe i ka rrënjët në Shqipëri. 10 miliard euro që u fituan nga kanabisi bosët e drogës i përdorin për të blerë kokainë në Kolumbi e Venezuelë. Dhe duke i shitur përmes Shqipërisë në të gjithë Europën. Droga po shkatërron ekonominë. Ne po luftojmë një regjim, një narko-shtet’, deklaroi Berisha.
