Kryeministri Edi Rama pritet të shpallë ditën e shtunë listat e kandidatëve për kryetarë bashkie në 61 bashkitë e vendit. Disa prej tyre janë konfirmuar ndërsa pjesa tjetër pritet të konfirmohen shumë shpejt.
Mësohet se një prej tyre është Valbona Sako e cila sipas burimeve pritet të marrë besimin e kryeministrit Edi Rama për të të kandiduar për Bashkinë e Durrësit. Aktualisht ajo mban postin e drejtoreshës së Tatimeve në Durrës.
Bashkia e Durrësit drejtohet prej 12 vitesh nga Vangjush Dako, i cili me sa duket nuk do të kandidohet më nga socialistët pasi vetë ata propozuan pak muaj më parë kërkesën që pengon kandidimin e kryebashkiakëve me më shumë se tre mandate. Përgjimet e dosjes 339 kanë treguar se Dako ka bashkëpuar me grupet kriminale në shit-blerjen e votave.
Sako duket se do të ketë mbështetjen e kryebashkiakut Dako në garën e saj për Bashkinë e Durrësit.
