Ish-kryetari i PD-së, Lulzim Basha ka paralajmëruar se Edi Rama dhe qeveria e tij do të sundojnë vetëm për pak ditë apo javë.
“Kjo tirani e krimit ka imponuar ligjin më stalinist që mund të imagjinoni. Një ligj korruriv në radhë të parë që iu imponon studentëve shqiptarë me të ardhurat më të ulëta për frymë në Europë. Tarifat më të larta universitare për bachelor dhe master. Po, po! Arsimi më i shtrenjtë në Europë për cilësinë më të ulët në Europë. Ky është një produkt tipik i regjimeve të korruptuara autokratike si ky që sundon sot edhe për pak ditë apo javë në Tiranë”, u shpreh Basha gjatë një takimi me studentë.
Deklarata vjen në vazhdën e pohimeve të mëparshme të kreut të PD-së se kusht i padiskutueshëm mbetet largimi i Edi Ramës dhe krijimi i një qeverie tranzitore për garantimin e zgjedhjeve të lira e të ndershme. Ndërsa kryeministri Edi Rama është shprehur se zgjedhjet do të zhvillohen më 30 qershor dhe ai nuk e ka artikuluar në asnjë çast, mundësinë e largimit të tij. /bn/
