Nga Boldnews.al
Për kryeministrin Edi Rama ata të dy janë mjeshtra të fushatës. Kudo ku ka shkelur këmba e Damian Gjiknurit, ish-ministrit të Infrastrukturës dhe Vangjush Dakos, kryebashkiak i Durrësit bari nuk “mbin”, por vota për Rilindjen mblidhen në mënyrë të çuditshme.
Të dyve këtyre “personaliteteve” u ka dalë emri në dy dosje hetimore të cilat po varrosen çdo ditë me duart e dy “grave të drejtësisë”, Marku dhe Prela, mund ta shtyjnë në kohë, por nuk janë në gjendje që të fshehin krimin e madh elektoral në shitblerjen e votave dhe implikimin e zyrtarëve të lartë të Rilindjes me elementë të rëndësishëm të botës së krimit, kryesisht “doktorantë” në fushën e trafikut të drogës.
Por Gjiknuri dhe Dako nuk bënë në kokë të tyre batërdinë në zgjedhjet e dy viteve më parë. Udhëzimi ishte nga lart dhe ai ka vetëm një emër Edi Rama, që kërkonte fitore me çdo kusht, blerje e shitje, shantazh dhe joshje, gjithçka të mundnin. Si ekzekutues të operacionit: “Vota për Rilindjen” dolën Damiani dhe Gjushi, pa përjashtuar edhe pjesën tjetër, por këta ishin gjeneralët e terrenit. Sot Rama shijon pushtetin, edhe pse po e kupton dita ditës se nuk ka “guru” Indian që e shpëton nga ky mëkat.
Nënkryetari i grupit parlamentar të CDU/CSU, Johann Ëadephul, shprehet qartë se nuk do ketë negociata nëse nuk hetohet dhe ndëshkohet krimi zgjedhor.
“Ligjet shqiptare, për shembull, ndalojnë blerjen e votave. Megjithatë, nuk ka ndjekje penale nga zyra e prokurorit publik dhe nuk ka arrestime kundër atyre personave të cilët kanë dëshmuar se kanë blerë votat me anë të regjistrimeve të përgjimit. Nëse nuk ka progres të vërtetë këtu shumë shpejt, grupi im nuk do të jetë në gjendje të pranojë hapjen e negociatave të pranimit. Sepse kjo është një çështje themelore e sundimit të ligjit dhe është ajo që duhet të garantohet,” theksoi zyrtari gjerman.
Vetëm në këtë frazë të qartë përmend dy çështje thelbësore: apatinë e dukshme të prokurorisë në hetimin e çështjeve dhe pasojat që vijnë prej saj, duke e bërë të qartë se Shqipërisë nuk do i hapen negociatat për aq kohë sa nuk dënohet krimi elektoral.
Rama i denigruar në Europë si një nga nismëtarët që tentoi ti vërë zjarrin Ballkanit në korrigjimin e kufijve dhe copëtimin e Kosvës, tashmë kërkon që të instalojë frikë dhe terror në vend për të mbajtur pushtetin me çdo kusht. Europa tashmë e ka të qartë se me çfarë personazhi kanë të bëjnë. Gjushi dhe Damiani janë dy gurët e fundit të kryeministrit Rama që i mban për të shpëtuar veten në ndonjë rast ekstrem ku mund të detyrohet ti dërgojë vetë në qeli, për të shpëtuar pushtetin e tij.
