Policia e Tiranës ka shoqëruar 3 persona në përfundim të protestës së thirrur nga lëvizja Vetëvendosja kundër vizitës së Presidentit serb, Aleksandar Vuçiç në Tiranë.
Mes personave të shoqëruar është edhe Klajdi Bello, një prej studentëve më aktivë në protestën e organizuar në mes të muajit dhjetor kundër qeverisë Rama.
Shoqërimi i Bellos është bërë nga një person me xhaketë të kuqe, i cili pretendonte se është efektiv i policisë, por nuk ka paraqitur asnjë mjet identifikimi.
Civili, i cili ka shoqëruar Bellon, thuhet se është një nga agjentët e policisë, i cili është treguar edhe më agresivi kundër protestuesve.
