Instagram ka njoftuar se tashmë mbi 500 milionë njerëz përdorin aplikacionin për shpërndarjen e fotove, duke e bërë atë njërin prej rrjeteve sociale me rritjen më të shpejtë.
Aplikacioni që është në pronësi të Facebook është rritur me 25% që nga shtatori, duke shtuar mbi 10 milionë përdorues të rinj çdo muaj. Ky trend rritjeje tejkalon edhe atë të Facebook dhe Twitter.
Mbi 300 milionë njerëz futen çdo ditë në Instagram, ndërsa mbi 95 milionë foto dhe video shpërndahen në 24 orë. Në total, në Instagram gjenden mbi 40 miliardë foto e video, shkruan TopChannel.
Sa i përket pëlqimeve, në Instagram bëhen nga 3.5 miliardë në ditë, ndërsa llogaria me më shumë ndjekës mbetet ajo e Selena Gomez me mbi 85 milionë përdorues.
