Specialisti i futbollit, Shkëlqim Muça, nuk ka nguruar të japë parashikimet e tij për javën e ardhshme në Kategorinë Superiore. I ftuar në studion e “Rubrikës Sportive”, 58-vjeçari, mendon se të kuqtë e Partizanit do të shpallen zyrtarisht kampion këtë fundjavë.
Sipas Muçës, skuadra e Gegës do të barazojë në derbin ndaj Tiranës, ndërkohë që Kukësi do të mposhtet në transfertë ndaj Luftëtarit, ç’ka do t’i sigurojë ekipit kryeqytetas matematikisht titullin kampion.
“Skënderbeu-Teuta, barazim. Fiton Luftëtari ndaj Kukësit. Fiton Kastrioti përballë Flamurtarit. Derbi Partizani-Tirana përfundon barazim”, u shpreh Shkëlqim Muça.
